УИХ дахь АН-ын бүлэг өнөөдөр ээлжит бусаар хуралдсан бөгөөд үүний дараа АН-ын дарга Лу.Гантөмөр мэдээлэл хийлээ. Тэрбээр "Манайх нээлттэй нам болно. Бүх хүнтэй хамтарна. АН гишүүнээ хөөдөггүй нам болно. Олон ургалч үзэл амьдардаг нам болно. Бид олон ургалч үзлийг ургуулж, амьдруулж чаддаг нам байна. Дээр нь хариуцлагатай нам болно. Шударга ёсыг нам дотроо тогтооно. Нам дотор арын хаалга байхгүй шүү. Зүтгэсэн, хөдөлмөрлөсөн хүн нь урагш яв. Нам бүтнээрээ тэр хүмүүсийн талд байна. Эрх мэдлийн зөв хуваарилалтыг хийнэ. Намын Ерөнхий нарийн бичгийн болон АН-ын бүлгийн даргад эрх мэдэл нь очно. Ингэж байж бид олон түмэнтэйгээ ярилцах боломж гарна" гэлээ.