“Зөвлөлдөж шийдье” зөвлөлдөх санал асуулгын талаар УИХ дахь МАН-ын бүлгийн дарга Д.Тогтохсүрэн тэргүүтэй Ажлын хэсгийн гишүүд мэдээлэл хийлээ. Энэ үеэр УИХ-ын гишүүн Т.Доржханд "Шинэ Үндсэн хуулийн асуудлыг бид огт гаргаж ирээгүй. Хоёр тохиолдолд энэ асуудлыг хөндөнө. Нэгд, хувьсгал гарсан тохиолдолд. Монгол Улсад үймээн самуун, хувьсгал гарахыг аль ч улс төрийн нам болоод ард иргэд хүсэхгүй. Хоёрт, засаглал солигдох үед. Монгол Улс хаант эсвэл Ерөнхийлөгчийн засаглалтай болох тохиолдолд шинэ Үндсэн хуулийн асуудлыг ярина. Монгол бол ардчилсан улс. Ардчиллаа бэхжүүлье гэвэл парламентаа бэхжүүлэхээс өөр гарцгүй” гэв.