Турк хотод 7,8 баллын хүчтэй газар хөдлөлт болж, 40 мянга гаруй иргэн амь нас аа алдсан харамсалтай мэдээлэл бий. Энэ тоо цаашид ч нэмэгдэж болзошгүй аж. Дэлхийн улс орон Туркэд тусламжийн гараа сунган аврах багаа илгээгээд байгаа бол Монгол Улс ч 35 хүний бүрэлдэхүүнтэй багаа илгээсэн. Мөн монгол гэр, хүнсний бүтээгдэхүүн илгээгээд байгаа юм. Харин Турк улсад газар хөдлөлт намжаагүй бололтой өнөөдөр дахин 5,1 баллын газар хөдлөлт болжээ. Энэ талаар Хатай мужийн Амбан захирагч Рахми Доган “ Авран эрэн хайх багийнхан эрлийг ажиллагааг үргэлжлүүлж байна. Хэдийгээр амьд хүн олдох найдвар бага ч бид итгэлээ алдахгүй. Газар хөдлөлт бүрмөсөн намжихгүй байн байн давтагдаж байгаа ч иргэд сонор сэрэмжээ алдахгүй” хэмээжээ.