Цагдаагийн байгууллагаас “Сар шинэ 2023” нэгдсэн арга хэмжээний хүрээнд “Уусан бол бүү жолоод” шөнийн хяналтыг өнөөдрийг хүртэл хоёр өдрийн хугацаанд зохион байгууллаа. Хяналт шалгалтыг Нийслэл хотын  Хан-Уул, Сонгинохайрхан дүүрэгт мөн орон нутгийн Архангай, Баян-Өлгий, Булган, Говь-Сүмбэр, Дархан-Уул, Дорноговь, Дорнод, Өвөрхангай, Сүхбаатар, Төв, Увс, Хөвсгөл зэрэг 12 аймгийн хэмжээнд зохион байгуулжээ.

Энэ хүрээнд нийт 479 цэгт, 885 алба хаагч, 180 албаны тусгай зориулалтын автомашинтайгаар хяналт шалгалтыг зохион байгуулжээ.

Үүний үр дүнд:

-Согтууруулах ундааны зүйл хэрэглэсэн үедээ автомашин жолоодож замын хөдөлгөөнд оролцсон 61 зөрчил;

-Цагдаагийн байгууллагаас эрэн сурвалжлагдсан 32 хүн, эд зүйлс;

-Гэмт хэргийн шинжтэй 10 үйлдлийг илрүүлж, иргэдийн амь нас, эрүүл мэнд, эд хөрөнгийг учирч болзошгүй эрсдэлээс урьдчилан сэргийлэн ажиллажээ.