Долоон жил ярьж, дунд нь тендерийг нь хүртэл будилуулж байсан Монголын зам тээврийн түүхэн зам  болсон  “Дарханы зам” ашиглалтад ороод таван сарын дараа эвдэрч сүйдээд хоёр хонож байна. Хэн ч хариуцлага ярьсангүй. Засварт нь төсвийн мөнгө урсаж байна.
Ингээд тус замын тендерийн түүхийг эргэн сөхвөл  :

• Баруун аймаг салах тойрог уулзвараас-Хар мотод давааны ар хүртэлх 37.26 км авто замыг БНХАУ-ын Хэйлонжиан жиньеи реүд энд бридж компани /$13.1 сая/
• Хар модот давааны араас- Урьхан хүртэлх 45.5 км авто эамыг БНХАУ-ын Чайна стэйт шинжиан констракшн инженеринг групп /$13.8 сая/
• Урьханаас- Сүмбэрийн уулзвар хүртэлх 45.74 км авто замыг БНХАУ-ын Гуйжоу хайвэй инженеринг групп /$14.5 сая/
• Сүмбэрийн уулзвараас -Цайдамын хөндий хүртэлх 45.08 км авто замыг БНХАУ-ын Чайна стэйт шинжиан констракшн инженеринг групп /$11.7 сая/
• Цайдамын хөндийгөөс -Дарханы тойрог уулзвар хүртэлх 30.53 км авто замыг БНХАУ-ын Чайна жео- инженеринг корпораци /$9.8 сая/ тус, тус гүйцэтгэхээр шалгарсан юм.

Авто зам барих ажил эхэлсэн ч Зам тээврийн хөгжлийн яамны холбогдох албан тушаалтнууд Хятадын компаниудаас авлига авсан асуудал босч, баривчилгаа явуулав. Дараа нь цар тахал гарч, авто зам барих ажил гацаанд орсон.  Ингээд тухайн үеийн Зам тээврийн хөгжлийн сайд  Б.Энх-Амгалан “Чартер нислэгээр хятад ажилчдыг оруулж ирнэ” гэдэг асуудлыг ярьсан ч цар тахалтай үед гадаадаас ажиллах хүчин олноор оруулж ирэх нь аюултай гэж үзсэнээр хойшлогдсон түүхтэй.  Дээр нь авто замын 2 болон 4 дүгээр багц дээр тендерт ялсан компани Монголд төлөөлөгчийн газаргүй учраас ажлаа эхлүүлж чадахгүй болсон, Монголд ажиллуулах менежер хайж байгаа. Зам барихад шаардагдах тоног төхөөрөмжийг Монгол руу явуултал хил дээр гацсан зэрэг асуудал үүсч, дахин тендер зарлахаас аргагүй болов. Эцэстээ үндэсний компаниа татан оруулсан байдаг.

Ингэж л сайд болоод сайдын хамаарал бүхий компаниуд Дарханы замын тендерийг авсан түүхтэй. Гэтэл одоогийн Зам тээврийн сайд Г.Халтар “Авто замыг барихад техникийн алдаа гарчээ” гэсэн шүү зүйл яриад алхаж явна.