GAM3RS_X болон GRID компаниудаас зохиож буй $50,000 шагналын сантай "CCT Series 6" тэмцээн Европын бүсэд онлайнаар үргэлжилж байна.

Тэмцээнд Алтангинжийн "423" Билгүүн, Дашзэвгийн "Se" Төгстөр нарын тоглож буй "Jigglin" баг оролцож байгаа бөгөөд өчигдөр Playoffs-ын доод хүснэгтийн шөвгийн наймд Орос/Украины "9Pandas" багийг 2-0 харьцаагаар хожлоо.

Дэлхийн аварга Болгарын алдарт Иван "MinD_ContRoL" Иванов ахлагчтай тус баг ийнхүү тэмцээний шилдэг дөрвөн багийн нэг болсон ба 2,500 ам.долларыг (8.6 сая төгрөг) халааслаад байна.

#CS2 FlyQuest 0-2 3DMAX. Intel Extreme Masters Katowice 2025

ESL-ээс зохиодог хамгийн том цомын тэмцээнүүдийн нэг бол "IEM Katowice" юм. $1,000,000 шагналын сантай тэмцээнд монгол дасгалжуулагчтай Австралийн "FlyQuest" баг оролцож байгаа бөгөөд өчигдөр Play-In шатны эхний тоглолтоо Францын "3DMAX" багтай хийж 0-2 (Train 5-13, Inferno 7-13) харьцаагаар хожигдлоо.

#CS2 23:30. FlyQuest - Astralis. Intel Extreme Masters Katowice 2025

Гантулгын "erkaSt" Эрдэнэцогтын удирдсан "FlyQuest" баг Intel Extreme Masters Katowice 2025 тэмцээндээ үлдэхийн төлөө өнөөдөр 23:30 цагаас Данийн "Astralis" багтай шийдвэрлэх тоглолтыг хийнэ. Каспер "cadiaN" Моллер ахлагчтай тус баг өчигдөр Бразилын "MIBR" багт хожигдсон билээ.

Тоглолт Bo3 журмаар болох ба "FlyQuest" баг хожигдвол 2,500 ам.доллартай (8.6 сая төгрөг) гэртээ харина.

Алтангинжийн "423" Билгүүн, Дашзэвгийн "Se" Төгстөр нарын тоглож буй "Jigglin" баг өнөөдөр "CCT Series 6" тэмцээний Playoffs-ийн доод хүснэгтийн хагас шигшээд Украины "NAVI Junior" багтай 22:00 цагаас тоглоно.

Дэлхийн аварга Болгарын алдарт Иван "MinD_ContRoL" Иванов ахлагчтай тус баг өнөөдөр хожвол доод хүснэгтийн финалд мөн Украины "Passion UA" багтай үргэлжлүүлэн 01:00 цагаас тоглоно.