Эрүүл мэндийн яамнаас иргэн бүрийг эрт илрүүлгийн үзлэгт хамрагдах санаачилгыг өнгөрсөн онд гаргасан.  Эрт илрүүлэг эхэлснээс хойш улсын хэмжээнд 840 мянга хүн хамрагджээ. Тэднээс 382 мянга 721 буюу 45,5 хувь нь эрэгтэйчүүд, 458 мянга 115 буюу 54,5 хувь нь эмэгтэйчүүд байна.  Иргэд мэдээлэл дулимгаас эрт илрүүлэгт хамрагдах хугацаа нь өнгөрсөн зэрэг шалтгаан нөхцөл их буйг албаныхан хэлж байгаа. Насны хувьд залуучуудын хамрагдах хувь бага байжээ. Иймээс энэ жилээс тодорхой зохицуулалт хийхээр болсон байна. Тодруулбал, эрүүл мэндийн даатгал төлсөн л бол 35 хүртэлх насныхан харьяалал, хугацаа харгалзахгүй оролцох боломжтой.