Өсвөрийн 18 хүртэлх насны хоккейн Азийн аварга шалгаруулах тэмцээн гуравдугаар сарын 11-нд Улаанбаатар хотын "Мөсөн өргөө" (Steppe Arena)-нд эхлээд байна.

Тэмцээний эхний өдөр Арабын Нэгдсэн Эмирт Улс /АНЭУ/, Тайландын багийн тоглолт болж 6:2 оноогоор АНЭУ-ын багийн ялалтаар өндөрлөсөн юм. Мөн Туркменистан, Узбекистаны багийн тоглолт болж, Узбекистаны баг анхны ялалтаа байгууллаа.

     Монгол, Ираны багийн тоглолт тэмцээний анхны өдрийн гурав дахь тоглолт байсан юм. Тоглолт үдшийн 20:30 цагт эхэлж гурван үе тоглоход Монголын баг өрсөлдөгчөө 5:0 оноогоор буулган авч анхны хожлоо авлаа.

   Монголын багийн дараагийн тоглолт гуравдугаар сарын 12-нд Арабын Нэгдсэн Эмирт Улсын эсрэг 20:30-аас болно.