Шинээр нэмэлт өөрчлөлт орж буй Стандартчилал, техникийн зохицуулалт, тохирлын үнэлгээний итгэмжлэлийн тухай хуулийн нэмэлт, өөрчлөлтийн төсөл:

Нэг. Хуулийн төсөлд дараах асуудлыг тусгасан. Үүнд:

• Хүчин төгөлдөр мөрдөгдөж байгаа стандартуудад салбарын сайдын оролцоотойгоор тогтмол хугацаанд үзлэг хийх;
• Стандартын тухай тодорхойлолтыг сайжруулж, хууль тогтоомж, Засгийн газрын тогтоолоор эш татсан стандартыг улсын хэмжээнд заавал дагаж мөрдөх, түүнээс бусад стандартыг иргэн, аж ахуйн нэгж сонгон хэрэглэх;
• Тохирлын үнэлгээний үйл ажиллагаанд оролцогч талуудад тавигдах шаардлагыг тодорхой болгох, эрх үүргийг нарийвчлан тусгах;
• Тохирлын үнэлгээний итгэмжлэлийн байгууллагын статус, эрх хэмжээг тодорхой болгох;
• Тохирлын үнэлгээний ажил, үйлчилгээний төлбөрийн жишиг хэмжээг төр, хувийн хэвшил, мэргэжлийн холбоо, иргэний төлөөлөл бүхий зөвлөлөөс тогтоох;
• Стандартчилал, тохирлын үнэлгээний итгэмжлэлийн үйл ажиллагааны ил тод, нээлттэй байдлыг нэмэгдүүлэх хүрээнд мэдээллийн санд байршлуулах мэдээллийг тодорхой болгох;
• Тохирлын үнэлгээний үр дүнг хууль тогтоомжийн дагуу гаргуулсан эсэхэд хяналт тавих зэрэг өөрчлөлтүүдийг тусгана.   

Хоёр. Хуулийн нэмэлт, өөрчлөлтийн төсөл батлагдсаны дараа үүсч болох нийгэм, эдийн засаг, хууль зүйн үр дагавар.

• Хуулийн төсөл батлагдсанаар стандартыг хэрэглэх, хэрэгжүүлэх тогтолцоо боловсронгуй болж, олон улсын нийтлэг практикт нийцсэнээр дотоодын бүтээгдэхүүн, үйлчилгээний чанар, стандартыг олон улсад зөвшөөрөх, гадаад худалдаа, экспортыг хөнгөвчлөх нөхцөл сайжирна.
• Стандартын хэрэгжилт дэх төрийн оролцоо багасах, төр-хувийн хэвшлийн хамтын ажиллагаа нэмэгдэх, үйлдвэрлэгч, нийлүүлэгч сайн дураар стандартыг хэрэглэх байдал сайжирна.
• Стандартыг хэрэглэх, ашиглах нь тухайн үйлдвэрлэгч, нийлүүлэгчийн зах зээлийн өрсөлдөөний давуу тал болох бөгөөд сонгосон, эсхүл заавал дагаж мөрдөх стандартын шаардлагыг хангаагүйгээс учрах хохирлыг тухайн байгууллага болон тохирлын баталгаа олгосон этгээд хамтран хариуцна. 
• Төрөөс зөвшөөрөл олгох, мэргэжлийн хяналтыг хэрэгжүүлэхэд илүү хялбар буюу тавигдах үндсэн нөхцөл, шаардлагыг тохирлын баталгаанд үндэслэн хүлээн зөвшөөрөх тул төрийн албан хаагч нөлөөлөх, авлига, хүнд суртал бий болох боломжийг бууруулна.

Төрөөс стандартын талаарх бодлогыг боловсруулж батлуулсаны дараах үр дагавар

• Чанарын дэд бүтцийн оролцогч талуудын чадавх бүрэн бэхэжсэн байна.
• Монгол Улсын хөгжлийн бодлого, чиглэл, олон улсын нийтлэг чиг хандлагад нийцсэн чанарын дэд бүтэц бүрдсэн байна.
• Монгол хүний амьдралын чанар Худалдаан дахь техникийн саад тотгорын тухай хэлэлцээрийн хэрэгжилт хангагдсан байна.
• Чанарын дэд бүтцэд дижиталчлал бүрэн нэвтэрсэн байна
• Бүтээгдэхүүн, ажил, үйлчилгээний өрсөлдөх чадвар, импортыг орлох бүтээгдэхүүний чанар Олон Улсын түвшинд хүрсэн байна.
• Үндэсний стандарт нь Олон Улсын стандартын түвшинд нийцсэн байна.

 

Стандарт ба хөгжил үндэсний хөтөлбөр хэрэгжсэнээр амьдарлын чанарыг дээшлүүлэх суурь нөхцөл бүрдэнэ

Төрд дараах эерэг нөлөө үзүүлнэ үүнд:

• Төрийн үйлчилгээний төвлөрөл 20% буурна.
• Хэмжил зүйн үйлчилгээний нэр төрөл, хамрах хүрээ 15% нэмэгдэнэ.
• Хэмжлийн эталоны түвшин бааз суурь 30% дээшлэнэ.
• Тохирлын үнэлгээний (Баталгаажуулалтын байгууллага) хувийн хэвшилд үе шаттай шилжинэ.
• Бүтээгдэхүүн ажил, үйлчилгээний өрсөлдөх чадвар, импортыг орлох бүтээгдэхүүн нэмэгдэнэ.
• Үндэсний стандартын 48% нь Олон Улсын стандартын түвшинд нийцсэн байна.
• Чанарын дэд бүтцэд дижиталчлал бүрэн нэвтэрсэн байна

Олон нийтэд стандартын талаарх ойлголтыг нэмэгдэнэ.

• Олон нийт стандартын талаарх ойлголт нэмэгдсэнээр стандартыг дагаж мөрдөх, ард иргэд стандартыг мөрдүүлэхийг аж ахуй нэгж байгууллагуудаас шаардах нөхцөл бүрдэнэ.
• Стандартыг боловсруулах үйл ажиллагаанд олон нийт оролцох.