Улсын Их Хурлын гишүүн, Үйлдвэржилтийн бодлогын байнгын хорооны дарга Т.Энхтүвшин, Улсын их хурлын гишүүн Ж.Батжаргал, Ж.Бат-Эрдэнэ , Монгол Улсын сайд, Засгийн газрын хэрэг эрхлэх газрын дарга Д.Амарбаясгалан, УИХ-ын гишүүн Хүнс хөдөө аж ахуй, хөнгөн үйлдвэрийн сайд, Х.Болорчулуун нар ноос ноолуурын салбарын 20 гаруй аж ахуйн нэгжтэй уулзаж, санал солилцлоо. Уулзалтаар ноос, ноолуурын салбарын өнөөгийн байдлын талаар болон тогтоолд заасан худалдааны текникийн зохицуулалтын асуудлыг хөндөж ярилцав.
Ноолуурын боловсруулалт худалдаанд техникийн зохицуулалт хийснээр угаасан ноолуур экспортод гаргахгүй, 4500 тонн хялгасыг нь ялгасан самнасан ноолуур экспортолж, 2.1 сая ширхэг сүлжмэл бүтээгдэхүүн борлуулж, нийтдээ 660.0 сая ам.долларын борлуулалт хийж, салбарын борлуулалтын орлогыг 294 сая ам.долларын нэмэгдүүлэх боломжтой. Түүнчлэн одоо байгаа 2200 ажлын байр шинээр нэмэгдэнэ гэсэн тооцоолол гарсан. Монгол Улсын ноолуур бэлтгэлийн хэмжээ тоо толгойноос хамаарч жилд дунджаар 10 мянган тонн хүрдэг. Мөн Засгийн газрын тогтоол батлагдсанаар 12 самнах үйлдвэрийг шинээр байгуулж байгаа бөгөөд үйлдвэрлэлээ эхэлбэл манай улс ноолуур самнах 43 үйлвэртэй болно.