НҮБ-ын Ерөнхий Ассамблей 2012 оны 7-р сарын 12-ны өдрийн 66/281 тоот тогтоолоор 3-р сарын 20-ны өдрийг "Олон улсын аз жаргалын өдөр" болгон зарласан.

Улмаар 2013 оноос эхлэн дэлхий даяарх хүмүүсийн амьдралд аз жаргалын ач холбогдлыг хүлээн зөвшөөрөх зорилгоор Олон улсын аз жаргалын өдрийг тэмдэглэж ирсэн. Ийнхүү дэлхий дахин тус өдрийг 10 дахь жилдээ тэмдэглэн өнгөрүүлж байна.

Аз жаргал гэх үгийг урт хугацаанд эрүүл, аз жаргалтай, сэтгэл амгалан, амьдралдаа сэтгэл хангалуун байх мэдрэмж юм хэмээн тодорхойлсон байдаг.

НҮБ-аас 2022 оны дэлхийн аз жаргалын тайланг эрхлэн гаргадаг. Тус тайланд Монгол Улс 146 орноос аз жаргалын индексээрээ 68-д жагсчээ.