“Нүүрсний хулгай”-тай тэмцэх жагсаал эхнээсээ үр дүнгээ өгч эхэллээ. Залуус өвлийн дүн хүйтнээр 20 гаруй хоног Төв талбайд жагсч, нүүрсний хулгайчдад хариуцлага тооц гэсэн шахалтаар АТГ 17 хүний нэрийг зарласан.
Тэгвэл “Нүүрсний хулгайч”-аар нэрлэгдсэн гишүүдийн толгой ажиллаж, байгалийн баялгаас иргэд хүртэх хуулийн төслийг санаачлан, УИХ-д өргөн барив.
Хэрвээ тэднийг “Нүүрсний хулгайч”-аар АТГ зарлаагүй, гишүүд гэнэтийн шоконд ороогүй байсан бол юуны хуулийн төсөл. Тиймээс жагсагчдын тэмцлийн эхний үр дүн гарч, ард түмэн төр, засгийг сайтар шахвал “Эрдэнэс Тавантолгой”-н хувьцааны ашгаас нэг иргэн жил бүр хоёр сая, таван ам бүлтэй өрх арван сая төгрөгийн ногдол ашиг хүртэх замыг засчихлаа.