Саяхан анхны хүүхдээ өлгийдөн авсан Өмнөд Солонгосын алдарт жүжигчид болох Хён Бин, Сон Еэ Жин нар салж байгаа гэх цуурхал тарсан. Тодруулбал, жүжигчин Хён Бин хувьцааны зах зээлд оролцож 3 тэрбум вон алдаж их хэмжээний, мөрийтэй тоглоомын өрөнд орсон тул Сун Еэ Жин салах шийдвэр гаргасан тухай шуугиад байсан юм.

Иймд тэдний шүтэн бишрэгчдийн дунд Хён Биний агентлагаас өгөх хариултад хүлээлт үүсээд байсан юм. Тэгвэл өнөөдөр “VAST Entertainment” агентлагаас тус мэдээлэл нь үндэслэлгүй худал цуурхал болохыг баталжээ.