ЦЕГ-ын Урьдчилан сэргийлэх хэлтэс: "Монгол Улсын хэмжээнд нэг цагт 2-3 хүн цахим залилангийн хохирогч болж байна. 

Өнгөрсөн жил 20,000 хүн цахим гэмт хэрэгт өртөж залилуулсан бөгөөд энэ нь сард 1,748 хүн, өдөрт 58 хүн залилуулж байна гэсэн үг. 

Эдгээрээс фэйсбүүкээр нь хууль бусаар нэвтрээд бусдаас мөнгө гуйж байгаа гэмт хэрэгт сард дунджаар 66 иргэн хохирдог бол их хэмжээний зээл хүүгүй олгох тухай цахим сэтгэгдэлд нэг сарын хугацаанд 21 иргэн хандаж залилуулсан.

Тиймээс ард иргэд өөртөө хор хохирол учруулж болзошгүй үйлдэлд анхааран сонор сэрэмжээ дээшлүүлж, хүлээн авч буй мэдээ мэдээлэлдээ нухацтай, няхуур хандахыг анхааруулж байна".