Сүүлийн өдрүүдэд ширүүхэн байгаа Ерөнхий сайд Л.Оюун-Эрдэнэ  авлига, албан тушаалын хэрэгтэй хийх тэмцлээ эрчимжүүлж, төрийн албаны цалингаас давсан үнэтэй автомашин унадаг, тансаг хэрэглээтэй албан хаагчдыг зургаадугаар сарын 1-ний дотор сайн дураараа ажлаа өгөхийг уриаллаа. 
Төрийн албан хаагчийн цалин төдийлөн өндөр биш ч гэлээ гэр, албан өрөөг нь нэгжихэд ам.доллар, юань, монгол төгрөг боодол боодлоороо гарч ирдэг болсон. Боодол зуутын ам.доллар оймсноос нь хүртэл гарч ирсэн нь бий. 
Төрийн албан хаагчдын хэрэглээ олны нүдэнд ил байдаг. Хэдийгээр авдаг хэд нь адилхан ч унадаг автомашин, өмсдөг хувцас, зүүсэн цагаараа ялгардаг хэсэг бий. Мэдээж, тэд авлигаар энэ зэрэгт яваан түвэггүй ойлгож болно. Тиймээс Ерөнхий сайд ийн хатуу чанд шаардлага тавьж, орлогоосоо давсан хэрэглээтэй төрийн албан хаагчдад нэг удаагийн боломж олголоо. Нэг үгээр, хуулийн хариуцлагаас чөлөөлчихөж байгаа юм л даа.