Сангийн дэд сайд С.Мөнгөнчимэг: "Улаанбаатараас орон нутагт очиж амьдрах болон тухайн орон нутагтаа амьдардаг иргэдэд ипотекийн 3%-ийн хүүтэй зээл олгох шийдвэр гарсан.

Тодруулбал, орон сууцны 3%-ийн хүүтэй зээлд хамрагдах иргэд гуравдугаар сарын 23-наас эхлэн Төрийн банк, Худалдаа хөгжлийн банк, Хаан банк, Ариг банк, Транс банк, Богд банк, Капитрон банканд хандаж хүсэлтээ өгөх боломжтой" болсон гэдгийг мэдээллээ. 

“Орон сууцны ипотекийн санхүүжилтийн журам”-ын нөхцөлд зааснаар орон нутагт ипотекийн зээл 6%-ийн хүүтэй байх бөгөөд эхний гурван жилийн хугацаанд 3%-ийн хүүгийн хөнгөлөлтийг Засгийн газраас үзүүлэх аж.

Улаанбаатар хотоос орон нутаг руу шилжсэн иргэд ипотекийн 3 хувийн зээл авч болно. Өмнө нь ипотекийн зээлд хамрагдсан бол зээлийн өрийн үлдэгдэлгүй байх шаардлагатайг тэрбээр онцолж байв.