БНХАУ-ын хөрөнгө оруулалттай "Петрочайна дачин тамсаг" компани Дорнод аймагт үйл ажиллагаагаа явуулдаг. Тус компанийн ойролцоо их хэмжээний зээрийн сүрэг үрэгдэж, үхсэн зээрийн сүргийг булшлах гэж байгаа талаарх мэдээлэл цахим орчинд тархсан нь олон нийтийн бухимдлыг төрүүлээд буй. 

Тэгвэл уг асуудлаар Байгаль орчин, аялал жуулчлалын сайд Б.Бат-Эрдэнэ мэдээлэл өглөө. 

"Монгол Улсын Засгийн газар цагаан зээр хорогдсон асуудалтай холбоотойгоор Дорнод аймагт ажиллуулах Ажлын хэсэг байгуулсан. Тус Ажлын хэсгийн бүрэлдэхүүнд Хууль зүй, дотоод хэргийн яам, Цагдаагийн байгууллага, Экологийн цагдаагийн албаны шалгалтын хэсэг, Байгаль орчин, салбарын хяналтын ажлын хэсэг, Хүнс, хөдөө аж ахуй, хөнгөн үйлдвэрийн яам, мал эмнэлгийн лаборатори бүхий ажлын хэсэг хамтран ажиллаж байна. Ажлын хэсгийн дүгнэлтийг хариу гармагц танилцуулна." гэв.