УИХ дахь Ардчилсан намын бүлгийн дарга Д.Ганбат  нэг хэсэг бүлгийн даргын өрөөгөө өнөөдөр хүлээлгэж өгөхөөр болжээ. Ингэснээр тэрээр шинээр сонгогдсон АН-ын бүлгийн дарга Лу.Гантөмөрийг дэмжиж буйгаа илэрхийлж байгаа юм.

УИХ дахь Ардчилсан намын бүлэг бүлгийн даргаа сонгох гэж нэг хэсэг будлиантсан. Намын даргаа сонгосон ч дээд шүүх бүртгэн бүртгэхгүй гэх асуудлаар олон нийтийн анхаарлыг татаж байв.Харин саяхан болсон АН-ын бүлгийн даргын сонгуульд Лу.Гантөмөр сонгогдсон. Тэгсэн ч С.Эрдэнэ түүнийг хүлээн зөвшөөрөхгүй "би бүлгийн дарга хэвээрээ" гэж хэлж байв. Тэгсэн ч улсын дээд шүүх Л.Гантөмөрийг бүртгэж, АН-ын даргаар батламжилсан, АН-ын гишүүд нь ч шинэ дарга Л.Гантөмөрөө дэмжиж буй гэдгээ илэрхийлж буй. Тэгвэл Ардчилсан намын УИХ дахь төлөөлөл болон бүлэг өөрөө нэгдмэл байж, цаашдын улс төрийн акц, намын нэгдэл, сөрөг хүчний үйл ажиллагаа илүү идэвхжинэ гэдгийг ч Ардчилсан намынхан дээр, дооргүй ярьж эхэлжээ.

Нэг хэсэг С.Эрдэнэтэй нэгдэж, Ардчилсан намын даргын батламж хүлээж авч байсан Д.Ганбат шинэхэн дарга Л.Гантөмөртэй “гар барьж” тохиролцоо хийснээр өөрийн "Хийморь" фракцийнхантайгаа Л.Гантөмөрт тахимаа өгч, бүлгийн даргын ажлаа хүлээлгэн өгч, түүнийг дэмжиж ажиллахаа илэрхийллээ. Ардчилсан нам олон бүлэг фракцтай ч хамгийн сүүлд "мэндэлсэн" фракц бол “Хийморь”.  Тус фракцийг УИХ-ын гишүүн Д.Ганбат ахалж, аймаг, дүүргийн дарга нар болон УИХ-ын гишүүнээр ажиллаж байсан хүмүүсийг нэгтгэж, С.Эрдэнийг дэмжиж байсан билээ. Тэгвэл Д.Ганбат даргатай "Хийморь" фракцийнхан бүгдээрээ Л.Гантөмөрийг дэмжиж, тохиролцсон учраас ийн бүлгийн даргын ажлаа, бүр өрөөгөө ч хүлээлгэж өгч, АН-ын нэгдлийн төлөө тууштай ажиллана гэдгээ  ч шинэ даргадаа илэрхийлжээ.