АН-ын угшилтай улстөрч Ц.Оюунгэрэл сүүлийн үед УИХ, Засгийн газраас гаргаж буй шийдвэр, үйл ажиллагаанд их л шүүмжлэлтэй хандах болсон. Тэрбээр “МАН-ын дараагийн алхам юу гээч. Хулгайчаа барихаар хуруугаа ч хөдөлгөхгүй. Харин хүн цөөдсөнөөс идэж уугаад байна гэнгүүтээ тогтолцооны өөрчлөлт хийе гэнэ. Гишүүний тоог 152 болгоё. УИХ-ын гишүүн 1-2 яам, гурван агентлаг, төрийн өмчит үйлдвэрийн таван газрын даргын албан тушаалыг арав давхарлаж хашиж болох дампуу хууль санаачилж, оруулж ирнэ. Өөрөө сайд, дарга болонгуутаа ах дүүс, эхнэр, нөхрөө томилж болохгүй хууль батлагдсан тул багын найз, намынхаа иргэн, бизнесийн түншээ орлогчоороо томилоод их найр эхэлнэ дээ” хэмээжээ.