Dongsuh Foods компани Өмнөд Кёнсан мужийн Чанвон болон Инчон хот дахь үйлдвэрүүддээ үйлдвэрлэсэн Максим Моча Гоулд нь цахиурт суурилсан гадны бодис агуулсан байж болзошгүйг баталгаажуулсны дараа эргүүлэн татахаар шийдсэн гэдгээ мягмар гарагт мэдэгдсэн.

Асуудал дагуулсан бүтээгдэхүүн нь Maxim Mocha Gold-ын 600 грамм савлагаатай болон 2.04 килограмм, 2.4 килограмм, 3 килограмм жинтэй долоон савлагаа бүхий 2024 оны есдүгээр сарын 19-нөөс 26-ны хооронд дуусах хугацаатай бүтээгдэхүүнүүд юм.

Dongsuh Foods компанийн ажилтан "Үйлчлүүлэгчдээсээ хүлцэл өчье. Бид хэрэглэгчдийн аюулгүй байдлыг нэн тэргүүнд анхаарч, бүтээгдэхүүнийг аль болох хурдан эргүүлэн татахаар шийдсэн. Ийм асуудал давтагдахгүйн тулд бүтээгдэхүүнийхээ чанар хяналтыг чангатгаж, үйлдвэрлэлээ нэмэгдүүлнэ” гэв.

Мөн тус компани Maxim Mocha Gold-ыг гадаадад албан ёсоор экспортолдоггүй гэдгээ нэмж хэлэв. Гэсэн хэдий ч асуудалтай бүтээгдэхүүнийг албан бус жижиглэнгийн замаар зарж байж болох тул гадаадад байгаа хэрэглэгчид бүтээгдэхүүний дуусах хугацаа, үйлдвэрлэсэн газрыг өөрсдөө сайн шалгах хэрэгтэй хэмээв.

Эх сурвалж: https://koreatimes.co.kr/