Өнгөрсөн сарын сүүлээр эхэлсэн яриа хэлэлцээнд Хятадын эм, эмнэлгийн бүтээгдэхүүний асуудлыг зохицуулах байгууллага болох Үндэсний Эмийн Бүтээгдэхүүний Хэрэг Эрхлэх Газар тэргүүлэн оролцож байгааг ойрын эх сурвалж мэдээлсэн байна.
Бээжингийн эрх баригчид хэлэлцээг сар шинийн баяраас өмнө / нэгдүгээр сарын 22/ дуусгахаар ажиллаж байгаа юм.
Өнгөрсөн оны сүүлээр хятадын засгийн газар “тэг ковид” стратегиасаа татгалзсаны дараа тус улсад короновирусийн халдвар тархалт огцом нэмэгдсэн билээ.
Үүний улмаас эмнэлгүүдийн ачаалал хэтэрч, эм, эмнэлгийн бүтээгдэхүүний олдоц хүрэлцээ муудсан гэх мэдээлэл байгаа юм.
Өвчний хүндрэлээс 90 орчим хувийн үр дүнтэй сэргийлдэг нь туршилтаар батлагдсан Paxlovid эмийг Хятадын иргэд гадаад орнуудаас олж авах гэсэн оролдлого огцом нэмэгджээ.
Барууны эм, вакцинаас татгалздаг Бээжингийн эрх баригчид Paxlovid-ийг эмчилгээнд ашиглах зөвшөөрлийг өнгөрсөн оны хоёрдугаар сард өгч байв. Харин энэ удаа Хятадад бөөнөөр үйлдвэрлэх тухай яригдаж байна.
Энэ талаар тодруулахад хятадын холбогдох албаныхан мэдээлэл өгөөгүй бол Pfizer компанийн төлөөлөгч Pazlovid эмийн хангамж, нийлүүлэлтийг сайжруулах талаар Бээжингийн эрх баригчтай идэвхтэй хамтран ажиллаж байгаагаа зөвхөн мэдээлжээ.
Одоо хятадад уг эм нэг хайрцаг нь 50000 юанийн  үнэ хүрсэн гэх мэдээлэл бий. Энэ бол үндсэн үнээс 20 дахин өндөр үнэ юм.