Дөрөвдүгээр сарын 8, 9-ний амралтын өдрүүдэд нөөцийн махны өргөтгөсөн худалдаа зохион байгуулах гэж байна.

"Хонины нөөцийн махыг гулуузаар нь худалдахад нэг килограммыг 8,300 төгрөгөөр борлуулна. Энэ нь бусад зах, худалдааны төвүүдээс 20-25 хувиар хямд үнэ.

Өргөтгөсөн худалдаанд татварын байгууллага, мал эмнэлгийн газар, Захирагчийн ажлын алба, дүүргүүдийн ЗДТГ хяналт тавьж ажиллана" хэмээн Улаанбаатар хотын Захирагчийн ажлын албаны хүнс, худалдаа үйлчилгээний хэлтсийн хариуцсан мэргэжилтэн Н.Бумцэнд мэдээллээ.

Нөөцийн махны чанарын асуудлыг ХХААХҮЯ хариуцах юм байна. Өөх, мах, ясыг тэнцүүлж савлахыг нөөцийн мах бэлтгэсэн 12 ААН-д анхааруулжээ.

Өргөтгөсөн худалдаа зохион байгуулах 21 байршил:

 

"Нөөцийн мах 180 тонн борлуулагдсан нь нийт бэлтгэсэн махны/6,150/ 2.4%-ийг эзэлж байна. Борлуулалт бага байгаа тул өргөтгөсөн худалдааг зохион байгуулах юм.

Бусад худалдааны төвд махны үнэ нэмэгдээд байгаа нь шинэ мах орж ирж буйтай холбоотой.

Дэлгүүрүүдэд нөөцийн үхрийн махны борлуулалт арай илүү байгаа"-г тэрбээр мэдээллээ