Таван жилийн ойгоо тохиолдуулан “Тавантолгой түлш” компани СХД-ийн Ерөнхий боловсролын сургуулиудын төгсөх ангийн сурагчдын дунд химийн хичээлийн олимпиадыг зохион байгууллаа. Олимпиадад Сонгинохайрхан дүүргийн 22 сургуулийн 98 сурагч оролцож мэдлэгээ сорьсон байна.

Элсэлтийн ерөнхий шалгалтын өмнө химийн шинжлэх ухааныг сонирхон суралцдаг сурагчдын дунд олимпиад зохион байгуулсан нь өөрийнхөө түвшнийг мэдэхэд тус дөхөм боллоо гэж сурагчид үзэж байлаа.

“Тавантолгой түлш” ХХК нийгмийн хариуцлагын хүрээнд энэхүү олимпиадыг зохион байгуулж буй бөгөөд химийн хичээлийг сонирхон судалдаг, цаашид энэ чиглэлээр дээд боловсрол эзэмших хүсэлтэй сурагчдыг дэмжих зорилготой юм.

Химийн олимпиадад нэгдүгээр байр эзэлсэн сурагчийг 1.500.000, хоёрдугаар байр 1.000.000, гуравдугаар байр 500.000, тусгай байранд орсон гурван сурагчийг тус бүр 200.000 төгрөгөөр шагнах юм.