Тайланд улсад усанд сэлэлтийн чиглэлээр нэг жилийн хугацаатай сурч буй ОУХМ Батбаярын Энххүслэн Тайландын аварга шалгаруулах тэмцээний 200 метрийн "Freestyle" төрөлд 02:01:41 цагийн амжилтаар Монгол Улсын болон Тайландын УАШТ-ий рекорд амжилтыг эвдэв.

Ингэснээр манай тамирчин энэ зайд 2023 оны долдугаар сард Японы Фүкүокад болох ДАШТ-ий "B" цагийг биелүүлж, оролцох эрхээ албан ёсоор баталгаажууллаа.

Б.Энххүслэнгийн хувьд өнгөрсөн жил тус тэмцээнд оролцохдоо зургаан зайд Монгол Улсын дээд амжилтыг шинэчлэн тогтоосон юм.