Сагсан бөмбөгийн домогт тоглогч Майкл Жорданы өмсөж байсан пүүз 2.2 сая доллараар зарагдаж, түүхэн дэх хамгийн үнэтэй гутал болжээ. Энэ нь Жорданы дуудлага худалдаагаар зарагдсан хамгийн үнэтэй эд зүйлсийн нэг болж байна. Үүнээс өмнө 1998 оны NBA финалд өмссөн өмсгөл нь 2022 онд 10.1 сая доллараар зарагдаж байсан юм.

Дуудлага худалдааны үнийн саналууд түүнийг сагсан бөмбөгийн түүхэнд чухал байр суурь бүхий тамирчин болж чадсаныг харуулж байна.

"Өнөөдрийн дээд амжилт нь Майкл Жорданы спортын дурсгалт зүйлсийн эрэлт хэрэгцээ хүлээлтээс давж буйг нотолж байна" гэж Sothey брэндийн гудамжны хувцас, орчин үеийн цуглуулгын захирал Брахм Вахтер дуудлага худалдааны үеэр хэлэв.

Жорданы гутлын өмнөх дээд амжилт нь түүний Nike Air Ship загварын гутлыг 2021 онд дуудлага худалдаагаар 1.47 сая долларт хүрч байжээ

 

Өчигдөр зарагдсан Air Jordan XIII загварын пүүзийг Жордан Чикаго Буллз багт сүүлчийн удаа NBA-гийн аваргын төлөө 1997-1998 оны улирлын тэмцээнд өмсөж байжээ. 1998 оны NBA-гийн аваргын цувралын хоёр дахь тоглолтод оролцохдоо Юта Жазз багийг 93-88 оноогоор буулгаж авсан байна. Энэ тоглолтод Жордан 37 оноо авсан юм.

Тухайн улиралд Жордан NBA-гийн Аваргын титмийг зургаа дахь удаагаа зүүж, тав дахь удаагаа хамгийн үнэ цэнтэй тоглогч (MVP) болж байжээ.

Тоглолтын дараа хувцас солих өрөөнөөс алга болсон хүрмийг нь олж өгсөн бөмбөг зөөгч хүүд Жордан энэ пүүзээ бэлэглэж байсан гэнэ.

“Bred” Air jordans буюу “хар, улаан” гэсэн үгийн товчлол нь Жорданы NBA финалд өмёөж байсан цорын ганц иж бүрэн пүүз юм гэж Sotheby мэдэгдэв.

Эх сурвалж: BBC