"Korea Coal" корпорац Монгол дахь Хотгор шанагын уурхай дахь “Хотгор шанага” төслөө худалдахаар болсон талаар мэдээлжээ.

Олон улсад эрчим хүчний эх үүсвэрийн үнэлгээ өссөнтэй зэрэгцэж, эл шийдвэрийг гаргасан талаараа корпорацын зүгээс даваа гарагт мэдээлсэн байна. Тус корпорац дотоод хөрөнгө оруулагчидтай зөвлөлдөн хяналтын багцын үнэлгээг гаргаж, хэлцлийн андеррайтераа сонгоно гэжээ.

БНСУ-ын төрийн өмчит тус компани нь 2010 онд уг төслийг авч байсан юм. Уурхай хяналтын багц нь Өмнөд Солонгосын мэдэлд байдаг бол 49 хувь нь "Хотгор шанага" ХХК-ийн захирал Б.Алтангэрэлийн мэдэлд байдаг. Тайлбарлавал, 49 хувь нь хувь иргэний өмч бол 51 хувийг нь 10 сая ам.доллароор БНСУ-ын талд зарсан юм.

Эл төсөл тус компани байгуулагдсанаас хойших анхны гадаад эзэмшил нь билээ. Уурхайн нийт үнэлгээг 40 тэрбум вон буюу 30 сая ам.доллароор тогтоосон байдаг.

“Хотгор шанага” уурхай нь Улаанбаатар хотоос 1591 км-ийн зайд Увс аймгийн Бөхмөрөн сумын нутагт оршдог, 500 сая тоннын нөөцтэй уурхай юм.