Шувуу ажиллагааны хүрээнд Ерөнхий сайд асан Ч.Сайханбилэгийг АНУ-аас авч ирж чадах эсэх талаар Хуульзүйн сайд мэдээлэл өглөө.

Сайд Х.Нямбаатар "Бид хүн болгонд ялгалгүй адил тэгш хандах зарчим барьж байгаа. АНУ-ын Элчин сайд болон Монгол Улсад байгаа Аюулгүйн албаны хүмүүстэй удаа дараагийн уулзалт хийж, энэ талын хүсэлтүүдээ тавьж байна. Бусад хүмүүст авч хэрэгжүүлж буй арга хэмжээнүүдийг түүнд авч байгаа.

Бидний авсан мэдээллээр АНУ-д хямдхан амьдарч чадахгүй. Тиймээс хаанаас санхүүжиж байгааг мөрдөх албаныхан шалгаж байна.

Энэ хүмүүсийг авч ирэх бүх талын арга хэмжээг хэрэгжүүлнэ. Үр дүн гарна гэдэгт итгэлтэй байгаа" гэв.