“Осло-2021” ДАШТ-ий хүрэл медальт, Үндэсний шигшээ баг, “Хүч” спорт хорооны тамирчин ОУХМ Төмөр-Очирын Тулга Астанагийн дэвжээнд алтан медалийн төлөө барилдахаар боллоо. Тэрбээр хагас шигшээд Өсвөр үе, Залуучуудын Дэлхийн аварга Узбекистан улсын тамирчин Умиджон Жалоловтой барилдлаа. Тэд өнгөрсөн жил хоёр ч удаа учраа таарч тус бүр нэг нэг удаа ялж байсан бөгөөд хайнаа хагалах барилдаанд манай бөх 5-2 оноогоор илүүрхсэн.

Т.Тулга шигшээ барилдаанд өнгөрсөн жилийн Дэлхийн болон Азийн аварга Ираны залуу од Рахман Амузадтай хүч үзнэ. Монголчууд бид бүхний хүсэн хүлээсэн финал болж байна.