Чөлөөт бөхийн Азийн Аварга Шалгаруулах Тэмцээн (ААШТ) Казахстан улсын нийслэл Астана хотод энэ сарын 9-14-нд болж байна. 

Тус тэмцээний эрэгтэйчүүдийн 57, 65, 70, 79, 97 кг жингийн барилдаан өчигдөр боллоо.

Манай улсын шигшээ багийн хоёр тамирчин медалийн төлөө барилдав. Үүнд

• 57 килограммын жинд ОУХМ З.Занабазар хүрэл медалийн төлөө Казахстан улсын тамирчин Рахат Калжантай барилдаж 4-5 оноогоор ялагдав.  
• 65 килограммын жинд ОУХМ Т.Тулга алтан медалийн төлөө Иран улсын тамирчин Рахман Амузадтай барилдаж 1-3 оноогоор ялагдсанаар мөнгөн медаль хүртлээ. 

Өнөөдөр сүүлийн таван жингийн барилдаан болох бөгөөд манай улсын дөрвөн тамирчин барилдана.