Найзынхаа гэрийг шатаагаад оргон зайлсан Д.Ган-Очирыг Интерполоор эрэн сурвалжилж байсан ч тэрбээр НҮБ-ын байрны гадаа шууд бичлэг хийн тохуурхаж байсан. Гэтэл өдгөө эхнэрээ хэрцгийгээр зодон гэр бүлийн хүчирхийлэл үйлдсэн хэрэгт нь Францын цагдаагийн газраас түүнийг саатуулаад байгаа юм. Энэ талаар хамтран тэмцэгч У.Цогтбаяр байр сууриа илэрхийлжээ. Тэрбээр Д.Ган-Очир эхнэртээ гар хүрдэг бол түүний түмэн буруу. Шийтгэлээ ч хүлээх ёстой. Гэхдээ тэр мафижсан төрийн өндөр албан тушаалтнууд, эрх мэдэлтнүүдтэй  сөргөөцөлдөөд яг хэнд хэрэгтэй вэ. Өөрөө хохирохоо мэдэж байсан. Би ч одоо үзэл бодлоо илэрхийлснийхээ төлөө удаа дараа байцаагдаж, яс үндэс, мэргэжил, гүжир гүтгэлэг, доромжлол, хууль талаас нь зөвлөсөн эгчийг маань сард шоронд, гэр бүлийн халдлага, хүний эрх чөлөө бүх л зүйлээрээ  хохирч байна. Тэр зориг гаргаж, үнэнийг илчилсэн. Тэр хэнтэй ч тохироо хийгээгүй. Тохироо хийж, үзэл бодлоо зарах шиг амархан юм байхгүйг түмэн хүнээс би харсан. Яагаад гэвэл, одоо энэ эрх баригчдын ганц чаддаг зүйл нь тохироо хийх. Энэ залуу тэгээгүй шүү. Д.Ган-Очир хэлсэн хэлээгүй иргэдийн саналыг мөнгөөр худалдаж авдаг нь үнэн л биз дээ. Бүгд мэдэж байгаа.
Эхнэр нь байнгын хүчирхийлэлд амьдарч байсан юм бол салах нь яагаав. Яагаад хаа хол хүртэл дагаж явсан юм. Монголд үзэл бодлыг нь хорьж, шоронд хорих гээд янз янзаар үзээд бараагүй. Одоо дайснаа эхнэрээр нь даруулж аваад бах нь ханаж байгаа байх муу цадахаа мэддэггүй гахайнууд. Мөнгө ч хүчтэй л дээ. Хүний сүнсийг ч худалдаж авдаг цаг үе. Үнэн мөнийг цаг хугацаа харуулна. Нүүрсний хулгайчдадаа хүчиндүүлээд л байх уу...монголчууд аа. Харин залуус бид чадахгүй” хэмээн жиргэжээ.