Франц улсын тэргүүн хатагтай Брижит Макрон өчигдөр 70 нас хүрсэн. Нөхрөөсөө 25 насаар эгч Брижит төрсөн өдрөө олны нүднээс нуугдаж чимээгүйхэн тэмдэглэжээ. Тэрбээр олны хэл амны бай болохоос эмээж буйгаа өнгөрсөн нэгдүгээр сард "S" сэтгүүлд өгсөн ярилцлагадаа дурдсан байна.  

Брижит өмнөх гэрлэлтээсээ гурван хүүхэдтэй бөгөөд Францын ерөнхийлөгч Эммануэль Макронтой сурагч байхад нь танилцаж байв. Тухайн үед тэрбээр Францын зүүн хойд хэсгийн хувийн дунд сургуульд багшаар ажилладаг байжээ. Эммануэль Макрон багшдаа дурлаж, хожим нөхрөөсөө салсных нь дараа авч суусан гэдэг нь түүнийг Францын сайд болж, дараа нь 2016 онд ерөнхийлөгчид нэр дэвшсэнээр олонд ил болсон. Үүнээс хойш тэдний харилцаа олны анхаарлын төвд байсаар иржээ.

Нутагтаа чинээлэгт орох гэр бүлд төрсөн Брижит хуучинсаг үзэлтэй гэр бүлд төрсөн. Мөн тэрбээр Францын ерөнхийлөгч асан Николя Саркозитой нөхөрсөг харилцаатай гэнэ. Хэдийгээр яриасаг, чөлөөтэй, нийтэч нэгэн боловч олны хэл амнаас болж нийтийн өмнө биеэ барьдаг талаараа хэвлэлд ярьж байжээ. Тэрбээр наснаасаа залуу харагдах нууцаа тайлбарлахдаа, өдөрт 30 минут спортоор хичээллэж, тэнцвэртэй хоолны дэглэм барьж, ихэнх цагаа ном уншиж, бичихэд зарцуулдаг гэсэн байна.

ЭХ СУРВАЛЖ: AGENCE FRANCE-PRESSE