Чөлөөт, сонгомол бөхийн Азийн АШТ Казахстаны Астана хотноо долоо хоног үргэлжиллээ. Тэмцээний сүүлийн барилдаанд ДАШТ-ий мөнгө, хүрэл медальт М.Лхагвагэрэл дэвжээнд гарсан юм. 125 кг-ын аваргын төлөө түүнтэй барилдсан өрсөлдөгч нь Казахстаны бөх, 2020 оны Ази тивийн аварга, залуучуудын ДАШТ-ий хүрэл медальт Юсуп Батирмурзаев байв.

Өмнөх тойрогт гол өрсөлдөгч Ираны бөхийг буулгаж авсан М.Лхагвагэрэл энэ удаад казах бөхийг 1-1 оноогоор хожиж, Тивийн аваргаас анхны медалиа авлаа. Ингэснээр Монголын баг энэ жилийн Азийн АШТ-ийг 1 алт, 3 мөнгө, 5 хүрэл медаль хүртсэн амжилтаар үдэж байна.

М.Лхагвагэрэл тивийн аваргад түрүүлсэн бол Т.Тулга (65 кг), Ч.Отгонтуяа (55 кг), П.Орхон (62 кг) нар мөнгө, Т.Түвшинтулга (61 кг), О.Сүлдхүү (74 кг), Г.Ганхуяг (92 кг), Б.Болортуяа (53 кг), Э.Даваанасан (72 кг) нар хүрэл медалийн эзэн болж манай улс Тивийн аварга шалгаруулах тэмцээнээс 9 медаль хүртлээ.