Малайзын нийслэл Куала-Лумпур хотод энэ сарын 13-16-нд 58 дахь удаагийн усанд сэлэлтийн тэмцээн боллоо. Манай улсаас тус тэмцээнд 22 тамирчин, гурван дасгалжуулагч, хоёр  албаны хүн оролцлоо. “Сэлэм Загас” клубийн тамирчин ОУХМ Э.Эрхэс хөвгүүдийн 13-14 насны ангилалд гурван алт, нэг мөнгө, “Хилэм” клубийн тамирчин Н.Билгүүн 11-12 насны ангилалд хоёр алт, нэг хүрэл медаль хүртлээ.  

Сонирхуулахад, Э.Эрхэс гурван төрөлд түрүүлэхдээ гурвуулаад нь Монгол Улсын, хоёр зайд Малайз улсын аваргын рекорд амжилтыг шинэчлэн тогтоожээ.