ПСЖ клубийн бүх цаг үеийн мэргэн буучдын жагсаалтыг тэргүүлэх болсон Францын шигшээ багийн ахлагч Килиан Мбаппе эмнэлэгт эмчлүүлж буй хүүхдүүдийн хамт хандивын хөлбөмбөгийн тэмцээнд оролцжээ. Эмнэлэгт хэвтэн эмчлүүлж буй хүүхдүүдийг зугаацуулах зорилготой тус үйл ажиллагаанд тэрбээр зургаа дахь жилээ оролцож буй юм.

Тэрбээр мөн "Time" сэтгүүлээс гаргасан 2023 оны нөлөө бүхий 100 хүний жагсаалтад Лионел Мессигийн хамт багтсан байна. Сануулахад, Мбаппе 2018 оны хөлбөмбөгийн ДАШТ-ий үеэрх бүх орлогоо эмнэлэгт хэвтэн эмчлүүлж буй болон хөгжлийн бэрхшээлтэй хүүхдүүдэд хандивлаж байсан билээ.