Эдийн засгийн чөлөөт бүсээс татваргүй архийг хуурамч акц нааж, нийслэлд худалдан борлуулж, их хэмжээний ашиг олдог бизнесийн томоохон сүлжээ бүлэглэлийг Цагдаагийн байгууллага илрүүлжээ.
Тодруулбал, иргэн А нь бусадтай бүлэглэн Сэлэнгэ аймгийн Алтанбулаг чөлөөт бүсээс импортын виски, пиво, архи согтууруулах ундааг худалдан авч, хуурамч Онцгой албан татварын тэмдэгт нааж, оройн цагаар үндсэн үнээс нь 2 дахин нэмж зарж, их хэмжээний татвараас зайлсхийж, ашиг олж, мөнгө угааж байсныг илрүүлсэн байна.
Шалгалтын ажиллагаа үргэлжилж байгааг Эрүүгийн цагдаагийн газраас мэдээллээ.