Хэрэглээний бараа үйлчилгээний үнэ гуравдугаар сард өмнөх оны мөн үеэс 12.2 хувиар өссөн үзүүлэлттэй гарчээ. Энэ нь өмнөх оны эцэстэй харьцуулахад 3.4, өмнөх сараас нэг хувиар өссөн үзүүлэлттэй гарсан байна. 

Инфляцын түвшин өнгөрсөн оны гуравдугаар сард 15.7 хувь гарсан бол энэ оны гуравдугаар сард 12.2 хувь болжээ. Өсөлтийн хурдац өмнөх оны мөн үеэс 3.5 нэгж хувиар буурсан хэмээн ҮСХ тайланд дурджээ. 

Хэрэглээний бараа, үйлчилгээний үнэ 2023 оны гуравдугаар сард өмнөх оны мөн үеэс 12.2 хувиар өсөхөд

1. хүнсний бараа, ундаа, усны бүлгийн үнэ дүнгээрээ 17.3 хувь (согтууруулах бус ундааны дэд бүлгийн үнэ 21.0 хувь),
2. согтууруулах ундаа, тамхины бүлгийн үнэ дүнгээрээ 9.0 хувь,
3. хувцас, бөс бараа, гутлын бүлгийн үнэ дүнгээрээ 13.5 хувь,
4. орон сууц, ус, цахилгаан, хийн болон бусад түлшний бүлгийн үнэ дүнгээрээ 13.8 хувь,
5. эм тариа, эмнэлгийн үйлчилгээний бүлгийн үнэ дүнгээрээ 7.2 хувь,
6. тээврийн бүлгийн үнэ дүнгээрээ 5.4 хувь, зочид буудал, нийтийн хоол, дотуур байрны үйлчилгээний бүлгийн үнэ 20.1 хувиар тус тус өссөн нь голлон нөлөөлсөн байна.

Харин 2023 оны гуравдугаар сард өмнөх оны эцсээс 3.4 хувиар өсөхөд

1. хүнсний бараа, ундаа, усны бүлгийн үнэ дүнгээрээ 7.8 хувь,
2. согтууруулах ундаа, тамхины бүлгийн үнэ дүнгээрээ 2.0 хувь,
3. хувцас, бөс бараа, гутлын бүлгийн үнэ дүнгээрээ 1.7 хувь,
4. орон сууц, ус, цахилгаан, хийн болон бусад түлшний бүлгийн үнэ 1.2 хувь,
5. эм, тариа, эмнэлгийн үйлчилгээний бүлгийн үнэ 2.0 хувь,
6. тээврийн бүлгийн үнэ дүнгээрээ 0.5 хувь,
7. даатгал, санхүүгийн үйлчилгээний бүлгийн үнэ 6.7 хувиар тус тус өссөн нь голлон нөлөөлсөн байна.

Хэрэглээний бараа, үйлчилгээний үнэ 2023 оны 3 дугаар сард өмнөх сараас 1.0 хувиар өсөхөд хүнсний бараа, ундаа, усны бүлгийн үнэ дүнгээрээ 2.3 хувь, согтууруулах ундаа, тамхины бүлгийн үнэ дүнгээрээ 0.3 хувь, эм, тариа, эмнэлгийн үйлчилгээний бүлгийн үнэ 0.8 хувь, зочид буудал, нийтийн хоол, дотуур байрны үйлчилгээний бүлгийн үнэ 4.7 хувиар тус тус өссөн нь голлон нөлөөлсөн байна

 

Эх сурвалж: ҮСХ