Техасын нэгэн сургуульд сурагчдыг бие биетэйгээ зодолдохыг уриалж, өдөөн хатгасан багшийг сургуулийн захиргаанаас халжээ.

Тодруулбал, сургуулийн удирдлагууд өнгөрсөн пүрэв гаригийн өглөө дунд ангид сурагчдын хооронд зодоон болсон бичлэгийг олж харсныхаа дараа асуудлыг анхааралдаа авч, буруу зүйлд уриалан дуудсан багшийг халжээ.  

Сургуулийн захиргааны ажилтан "Бидний шалгалтаар тэр багш хичээлийн үеэр сурагчдыг хоорондоо зодолдохыг уриалж, зодоон болох үед ангийн хаалга хянаж байхыг бусад сурагчдад хүртэл захиж байсан" гэжээ.

Бичлэгт дөрвөн сурагч нэг нэгээрээ  зодоон хийж байгаа харагдах ба зодоон эхлэхээс өмнө багш цаг барьж "30 секунд эхэллээ" гэж хашхирах нь сонсогдох аж. Багш бусад сурагчийг зодооны үеэр бичлэг хийхгүй байхыг сануулж, хийвэл утсыг нь авна гэж сүрдүүлжээ. Харин нэгэн сурагч зодооны бичлэгийг нууцаар бичиж амжжээ. Мөн нэр нь үл мэдэгдэх сурагчийг бусад гурван охинтой зодолдуулах гэж өдөн доромжилж байхад нь хонх дуугарахад больж байгаа дүр зураг бичлэгтэй буужээ.
 

Одоогоор нэр, зүс нь тодорхойгүй багш гуравдугаар сарын 6-наас тус сургуульд ажилласан байна. Мөн энэ үйл явдалд эрүүгийн хэрэг үүсгэж болзошгүй гэж үзэн цагдаад шилжүүлж, Мескитийн цагдаагийн газар шалгаж байна гэж хэвлэлийн төлөөлөгч CNN-д мэдээлжээ.

Эх сурвалж: CNN, The Guardian