Энхтайваны гүүрний доорх дулааны шугамд гэмтэл гарсан талаар Улаанбаатар хотын Захирагчийн ажлын албанаас өнөөдөр мэдээлэл өглөө.

УБЗАА-ны Хотын инженерийн байгууламжийн хэлтсийн дарга М.Балдандорж "Энхтайваны гүүрний доор байгаа халаалтын шугамд 2023 оны дөрөвдүгээр сарын 12-ны өдөр гэмтэл гарч, шөнөдөө засаж, хэвийн болгосон. Уг шугам нь 2002 онд ашиглалтад орсон, 300 диаметртэй. Энэ шугамд таван жилийн өмнө гэмтэл гарч байсан.

Улаанбаатар хотын инженерийн шугам сүлжээний асуудал нэлээд хүндэрсэн нөхцөл байдалтай байна. 

Нийслэлийн орон сууцнуудын дунд 1,220 км шугам сүлжээ байна. Дээр нь дулааны 378 км шугам сүлжээ байдаг, эдгээрийн 60% нь ашиглалтын хугацаа дууссан" гэв.

2022-2023 оны өвөлжилтийн хүрээнд 12 байршилд шугам сүлжээний гэмтэл гарчээ.