“Тавантолгой түлш”-ийн захирлаар ажиллаж байсан М.Ганбаатарыг Байгаль орчин, аялал жуулчлалын дэд сайдаар томилсон нь үнэндээ нуухыг нь авах гээд нүдийг нь сохолсон явдал болов.  Үүнийг батлах мэт тэрбээр 32-ын тойрогт байрлах Хэрэглэгчийн хяналтын төвд өчигдөр ажиллахдаа “Өрөөндөө бүтэн сууж амжилгүйгээр ажилдаа шууд” орлоо хэмээн ялархаж, энэ чиглэлд тодорхой үр дүн гаргаж ажиллана хэмээн намайг томилсон хэмээн томорлоо.  
Попролын дөнгөж эхлэл энэ. Тэрбээр уугилттай яндангуудыг хөөлнө. Яндангаас гарах утааг цахимаар хянана гэж олны элэг доог болов. Цахимжсан улс гэлээ ч Улаанбаатар хотод байгаа 198 мянган янданг хөөлж, эхний ээлжид 120 мянгыг хянаж, яндангаас ялгарч буй утааг цахимаар тодорхойлох аж.
Тодруулбал, утаа нэмэгдсэн нэгдэх шалтгаан нь айлуудын яндан битүүрсэнтэй холбоотой. Тиймээс өнөөдрөөс 60 мянган айлын яндан хөөлөх ажлыг эхлүүлнэ гэлээ.  
Монголчууд өмнө нь өөрсдөө яндангаа хөөлөөд ирсэн. Харин одоо улс хөөлж өгч, ямар айл, өрх юу түлээд байна гэдгийг цахимаар хянаад суух юм байх. XXI зууны шившиг гэж үүнийг хэлэх байх.