УИХ дахь намын бүлгүүд даваа гараг бүр хуралдаж, тухайн долоо хоногт байнгын хороод болон чуулганы нэгдсэн хуралдаанаар хэлэлцэх асуудалд гишүүдийнхээ байр суурийг нэгтгэдэг. Энэ дагуу УИХ дахь МАН-ын бүлэг 10:00 цагт Төрийн ордонд хуралдаж эхэллээ.  
Тэд өнөөдрийн хуралдаанаараа нүүрсний хулгай болон "Улаанбаатар төмөр зам"-д үүсээд байгаа нөхцөл байдлын талаар хэлэлцэх юм байна. Учир нь, Ерөнхий сайд Д.Оюун-Эрдэнэ өнгөрсөн долоо хоногийн чуулганы нэгдсэн хуралдаанаар нүүрсний хулгайн хэргийн араас "Улаанбаатар төмөр зам", Байгаль орчин аялал жуулчлалын яам зэрэг газарт хууль, хяналтын байгууллагын шалгалтыг оруулахаа мэдэгдсэн.