Өдгөө 38 настай Криастинр Роналдо Саудын Арабын лигт тоглож байгаа билээ. Түүний сэтгэл зүй, бие бялдарын хөгжил олон жил формоо алдалгүй шилдэг тамирчин хэвээр яваа. Роналдо замналынхаа туршид амьдралынхаа хэв маягийг алдалгүй, элдэв хорт зуршлаас хол байж, дэглэм сайн  барьдаг гэдгээрээ алдартай. Энэ удаад ч түүний саунд суухдаа хөлийн хумсаа будсан байгаа зураг олны анхаарлыг татав.

Түүнийг яагаад хөлийн хумсаа будах болсон бэ гэх асуулт цахим орчинд идэвхтэй өрнөж, хүн бүр л өөрсдийн таамгаа дэвшүүлж байна. Нэгэн хэрэглэгч “Мэдэхгүй юм. Гэхдээ холимог тулааны тамирчид хумсаа хамгаалж, буддаг” гэжээ.

Тэгвэл Германы “BILD” сонины мэдээлснээр “Олон шилдэг тамирчид хөлийн хумсаа мөөгөнцөр болон нянгаас хамгаалж, буддаг. Учир нь олон цагаар хөлстэй, чийгтэй гутал өмсөх үед мөөгөнцөр, нян үүсэх эрсдэлтэй. Майк Тайсон хүртэл хумсаа буддаг байсан” гэв.

Хөлбөмбөгөөс Роналдо, сагсан бөмбөгөөс Леброн Жеймс зэрэг одод бие бялдартаа анхаарч, чамгүй мөнгө зарцуулдагараа алдартай. Үүний ачаар олон жил дээд түвшинд тогтвортой тоглож буй биз. Роналдо шинэ багийнхаа төлөө 11 гоол оруулсан амжилттай явна.