УИХ дахь МАН-ын бүлгийн дэд даргаар Ж.Сүхбаатар, Х.Булгантуяа нар ажиллаж байсан. Тэгвэл УИХ-ын гишүүн Ж.Сүхбаатарыг Монгол Улсын сайд, Нийслэл Улаанбаатар хотын авто замын түгжрэлийг бууруулах үндэсний хорооны даргаар, харин Х.Булгантуяаг Боомт хариуцсан сайдаар томилсон тул бүлгийн дэд даргын суудал эзэнгүй байсан юм. Тиймээс өнөөдрийн бүлгийн хуралдаанаар дэд дарга нарыг томилох ба одоогоор М.Оюунчимэг, Ж.Бат-Эрдэнэ нарын нэр яригдаж байна.