“CS:GO”-ийн тэргүүн баг “The Mongolz” Мэйжорын өмнө Австралид болох “ESL Challenger Melbourne” тэмцээнд оролцож чадахааргүй болсон байна. Тус тэмцээн нь дөрөвдүгээр сарын 28-30-ны өдрүүдэд болох юм. Үүнд “The Mongolz” багийг орлож, Испанийн “Movistar Riders” баг өрсөлдөхоор болсон аж.

“The Mongolz” нь, визний асуудлаас болж, нийт 100 мянган ам.долларын шагналын сантай, “ESL Pro League S18”-ийн эрх олгох тэмцээнийг өнжиж байна.

Парисын Мэйжор тавдугаар сарын 8-ны өдөр эхлэх бөгөөд үүнээс өмнө “The Mongolz”-ийг “ESL Challenger League S45”-ийн ээлжит тоглолтууд хүлээж байгаа билээ.