“Номин”, “И март”, CU, “GS25”, “ЭФЭС”, “Сансар”, “Абсолют” зэрэг сүлжээ дэлгүүр “лангуу кассын үнэ зөрдөг зөрчлийг гаргахгүй байх амлалт”-ыг хэрэгжүүлэхээр болжээ. Ингэснээр таны авахаар сонгосон бараанд лангуу кассын зөрүү гарсан тохиолдолд асуудлыг газар дээр нь шийдвэрлэн зөрүүг олгох, нэмэлт бонус олгох юм байна.
Энэ талаарх санамж, анхааруулгыг кассын дэргэд байршуулахаас гадна зөрүүгийн алдагдлыг дэлгүүр өөрөө хариуцна. Өөрөөр хэлбэл, энэ төрлийн зөрчил гарсан тохиолдолд иргэд Шударга Өрсөлдөөн, Хэрэглэгчийн Төлөө Газарт/ШӨХТГ/ шууд гаргах бус тухайн дэлгүүрийн кассанд цаг тухайд нь мэдэгдэж, хохирлыг газар дээр нь шийдүүлэхээр боллоо.