Тужийн нарсны Байгалийн цогцолборт газрын Ан амьтны тоо толгой, сүргийн бүтэц, тархалтыг тогтоох ажлын хүрээнд Алтанбулаг сумын Хадагтай мод, Худгийн гуу, Ганц мод, Тэмээн хүзүүний зам, Устай шаамар, Тужийн нарсны ажиглах цамхагт байрлуулсан хяналт шалгалтын камеруудын хэвийн ажиллагааг шалгалаа.

Экологийн аялал жуулчлалыг хөгжүүлэх ажлын хүрээнд Тужийн нарсан ойн ажиглах цамхагийг тохижууллаа. Нарны зайн гэрлүүд суурилуулж, иргэд амрагчдад зориулсан амрах сандал байрлуулжээ. Мөн ажиглах цамхагийн орчны бүсийн хогийг цэвэрлэж, ариутгал устгал хийв.

Орчны бүсийн сумдын Байгаль орчны хяналтын улсын байцаагч, байгаль хамгаалагчид болон идэвхтэн байгаль хамгаалагчид хариуцсан газар нутагтаа хамтарсан эргүүл, хяналт шалгалт тогтмол хийж байна.