Улаанбаатар хотын цагаар өнөөдөр буюу Бямба гариг (2023.04.22)-ийн өглөө 07.10 цагт Хөвсөл аймгийн Шинэ-Идэр суманд 3.7 магнитудын хүчтэй газар хөдөлжээ. Тодруулбал, газар хөдлөлт газар зүйн байршлын хувьд өргөрөг, уртрагийн 49.11, 99.41-д буюу Шинэ-Идэр сумын төвөөс баруун хойд зүгт 19 километрийн зайд болсон байна.

Хөвсгөл аймагт өнгөрсөн гуравдугаар сарын эхээр мөн 3.5 магнитудын хүчтэй газар хөдлөлт бүртгэгдсэн. ОХУ-ын ШУА-ийн Байгаль дахь салбараас мэдээлснээр, газар хөдлөлтийн голомт Хөвсгөл нуураас баруун тийш 22 км зайд байсан. Мөн өнгөрсөн гуравдугаар сарын 3-нд гурван газар хөдлөлт бүртгэгдсэнээс хамгийн хүтэй нь 5.2 магнитудын хүчтэй хөдлөлт байсан аж.

Хөвсгөлд он гарснаас хойш нийт арван удаа газар хөдөлсөн мэдээлэл бий. 2021 оны нэгдүгээр сарын 11-нд Хөвсгөлд болсон 6.8 магнитудын хүчтэй газар хөдлөлт Байгаль нуурын бүсийн түүхэнд дөрөвт бичигдсэн хүчтэй газар хөдлөлтөд тооцогджээ.