Төрийн үйлчилгээний "Хурдан" цэгийн шинэ салбар Баянзүрх дүүргийн 23 дугаар хороо, Улиастайн нэгдсэн захд нээгдлээ. Тус цэг нээгдсэнээр Баянзүрх дүүргийн 10, 11, 20, 23, 28, 33, 35 дугаар хорооны иргэд төрийн үйлчилгээг ойроос авах боломжтой боллоо. 

Өнөөдрийн байдлаар "Хурдан" цэгээр дамжуулж нийт 39 байгууллагын 440 орчим үйлчилгээг хүн, хуулийн этгээдэд операторын горимоор үзүүлэх бэлтгэл ажлыг ханган ажиллаж байна. Цаашлаад 2023 онд 55 байгууллагын 790 орчим төрийн үйлчилгээг иргэд маань “Хурдан” цэгээр дамжуулан авах боломж бүрэн бүрдэх юм.