Shilen.gov.mn сайтад одоогийн байдлаар төрийн өмчит компаниудын 2017-2022 оны хугацааны түрээсийн талбайн хэмжээ, үнэтэй холбоотой 2,944 мэдээлэл бүртгэгджээ.

Тодруулбал, 310 түрээслүүлэгч нь, 1,572 түрээслэгч байгаа ба нийт болсон орлого нь 22,212,336,278 төгрөг аж. Төсөвт төвлөрүүлсэн орлого нь 7,734,085,906 төгрөг бөгөөд нийт талбайн хэмжээ нь 148,698 м.кв гэж бүртгэгджээ. 

Түрээслүүлэгч төрийн байгууллагаас харвал сүүлийн зургаан жил түрээсийн орлогоороо Чингис хаан Олон улсын нисэх буудал 1,963,709,051 төгрөгөөр нэгдүгээрт эрэмбэлэгдэж байна. ХСҮТ 1,179,440,605 төгрөгөөр хоёрт эрэмбэлэгджээ.

Түрээслэгч байгууллага, ААН, иргэний тухайд Мед портал компани 729,636,000 төгрөгийн буюу хамгийн их зардалтай байна. Тодруулбал, тус компани Хавдар Судлалын Үндэсний Төвийн түрээслэгч аж.

Мөн 2022 оны байдлаар Улаанбаатар хотод нэг м.кв-ын түрээсийн үнэ 3,000-320,000 төгрөгийн хооронд байна.

Хамгийн их талбай түрээсэлсэн аж ахуйн нэгжийг харвал

Дээрх мэдээллээс харвал Дулаанхайрхан трейд ХХК-ийн талбайн 1 м.кв-ын үнэ 320,000 төгрөг бол Мед портал компанийнх 310,000 төгрөг байна.