Монгол Улсын төсвөөс ЗТХ-ийн сайд С.Бямбацогт хамаарал бүхий компаниудаараа дамжуулан 281 тэрбум төгрөгийн санхүүжилт авсан баримт бүхий матeриал цуглуулснаа АТГ болон Улсын eрөнхий Акурорын газарт хүлээлгэн өгч буй талаар өнөөдөр мэдээллийн зарим сайтын сэтгүүлчид мэдээлэл хийсэн.

Тэгвэл үүний хариу тайлбар болгож, ЗТХ-ийн сайд С.Бямбацогт мэдээлэл хийлээ.

Тэрбээр "Намайг шалгуулж болно. Хардаж, шүгэл үлээж болно. Гэхдээ хамгийн гол нь захиалгатайгаар хүн гүтгэж болохгүй. ЗТХ-ийн сайд болсноос хойш иргэний агаарын тээврийн зарим компаниудад давуу эрх олголоо гэсэн байна. Харин ч урьд нь хаалттай байсан нислэгийн томилгоонуудын либералчилсан. Хоёрхон компани нисдэг байсныг нэг болгосон бол давуу эрх гэж ярих нь зүйтэй. Харин дотоод нислэг үйлддэг компанийн тоог дөрөв болгож нэмэхээр ажиллаж байна.

Говь компани Хөгжлийн банкнаас зээл авахад нөлөөлсөн гэжээ. Говь компани 22500 гаруй хувьцаа эзэмшигчтэй. Би зөвхөн тэдгээрийн нэг нь. Хөгжлийн банкнаас авч буй зээлэнд нөлөөлөх ямар ч боломжгүй" гэлээ.