Бразилын нийслэлд экс Ерөнхийлөгч Жаир Болсонаруг дэмжсэн эсэргүүцлийн жагсаал үргэлжилж, эцэстээ  Засгийн газрын байр руу дайрсан байна. 
Энэхүү эмх замбараагүй байдал үүсгэж, үймээн самуунд оролцсон 400 гаруй хүнийг одоогоор баривчлаад байгаа ба хуулийн дагуу арга хэмжээ авахаа цагдаа нар мэдэгджээ. 
Бразилын Ерөнхийлөгч асан Жаир Болсонару “Хуулийн хүрээн дэх тайван жагсаал ардчиллын нэг хэсэг”. Гэхдээ нийтийн эзэмшлийн байшин барилга руу нэвтэрч, дээрэмдсэн үйлдэл нь хэв журмыг зөрчсөн үйлдэл шүү гэдгийг тэрбээр твиттер хуудсаараа дамжуулан мэдэгджээ.